सत्संग म्हणजे सुसंगती, सत्प्रवृत्ती असलेल्यांचा सहवास ! सत्प्रवृत्ती असणाऱ्यांमध्येही जे वरदपिंड घेऊन म्हणजे ईश्वरी इच्छेने जन्माला आलेले असतात ते श्रेष्ठ समजले जातात. अशांमध्येसुद्धा ज्यांना वयाच्या दहाव्या वर्षापर्यंत ईश्वरदर्शन झाले आहे आणि ज्यांना श्री शंकरापासून सुरू झालेल्या गुरुपरंपरेतील गुरूंचा अनुग्रह लाभलेला आहे असे गुरू आणखी श्रेष्ठ असतात. अशा गुरूंचा सहवास मिळणं दुर्लभ असतं. अशा सत्संगाने देह आणि मन शुद्ध होऊन मनुष्य पावित्र्याची आणि मांगल्याची उंची गाठू शकतो.